Осы жылдың 1 шілдесіне қарай ШҚО-да анадан балаға АИТВ инфекциясын жұқтырудың алдын алу көрсеткіші 100%-ды құрады. Бұл халықаралық қалыпты деп белгілеген 95% мақсаттық минимумнан айтарлықтай жоғары. Бұл туралы ШҚО ЖИТС-тің алдын алу және оған қарсы күрес орталығының бас дәрігері Салтанат Фатихова ШҚО Өңірлік коммуникациялар қызметі өткізген баспасөз маслихатында мәлімдеді.
— АИТВ-мен өмір сүретін адамдарға қамқорлық жасау – негізгі басымдықтардың бірі болып табылады. Қазіргі уақытта ем қабылдап жүрген науқастардың 89%-ы вирустық жүктеменің төмендеуіне қол жеткізді. Бұл 90% мақсаттық көрсеткішке жақын. 15-49 жас аралығындағы адамдар арасында АИТВ инфекциясының таралуы 0,85%-ды құрады, бұл жыл соңына дейін жетуді жоспарлаған 1,09% лимитінен төмен. АИТВ-мен өмір сүретін адамдарды антиретровирустық дәрі-дәрмекпен қамту 90%-ға жетті, бұл мақсаттық көрсеткішке толық сәйкес келеді, — деп атап өтті Салтанат Фатихова.
Маңызды жетістіктердің бірі – күніне бір рет қабылданатын біріктірілген дәрілерді енгізу болды. Бұл емдеуді айтарлықтай жеңілдетіп, оның тиімділігін арттырды. Қазіргі уақытта науқастардың шамамен 80%-ы осындай емдеу әдістерін пайдаланып жүр.
Ағымдағы жылы халықты хабардар қылуды арттыру мақсатында 93 алдын алу шарасы өткізілді. Оған 3400-ден астам адам, соның ішінде медицина қызметкерлері қатысты. Өскемен қаласындағы өнеркәсіп кәсіпорындарның жұмысшылары арасында ұйымдастырылған іс-шарларға ерекше назар аударылды. Бұл шараларға шамамен 100 адам тартылды.
Айта кету керек, ШҚО-да АИТВ инфекциясының алдын алу және оны емдеу бойынша тұрақты жұмыстардың нәтижесінде айтарлықтай жетістіктерге қол жеткізілді. Бұл АИТВ-мен өмір сүретін адамдардың өмір сүру сапасын жақсартып, инфекцияның таралу қаупін азайтуға ықпал етеді.