Бұған дейін Риддердегі қоғамдық көліктерде электронды билеттеу жүйесін іске қосқан компания өз жұмысын тоқтатқан болатын. Бүгінде сол жұмысты жалғастыратын жаңа оператор анықталды.
Енді жолаушылар жолақыны электронды карталар арқылы төлей алатын болады. Бұл туралы қалалық ТҮКШ, жолаушы көлігі және автомобиль жолдары бөлімінен мәлім етті.
— Семей қаласындағы «Smart City» компаниясымен электронды билеттеуді енгізу туралы келісімшартқа қол қойдық. 9 қарашадан жүйені орнату жұмыстары басталады. Автобустарға валидаторлар орнатылып жатыр. Картамен төлеу бағасы — 130 теңгені құрайды. Әлеуметтік санаттағы азаматтарға жеңілдіктер қарастырылады, — делінген ақпаратта.
Жоспар бойынша осы аптаның соңында электронды билеттеу жүйесі іске қосылады.