Бұл отбасының сотталғаннан кейін түрме қабырғасында бірінші кездесуі болды. Ер адам осы жылдың басында бес жылға бас бостандығынан айырылған.
Ол бұл күнге ұзақ дайындалып, қызы мен әйеліне сыйлық дайындап, сарыла күтті. Ерлі-зайыптылар 2008 жылы танысқан, олардың 3 ұлы мен жалғыз қыздары бар. 2025 жылы Руслан (аты-жөні өзгертілген) жұмыс орнында абайсызда қылмыс жасаған.
Ұсталғаннан кейін әйелінің жүкті екенін біледі. Ер адам түрмеде жатқанда әйелі босанып, қыздары жарық дүние есігін ашты. Енді міне, бес айдан кейін әйелі баласымен күйеуіне жолығуға келді.
Түзету мекемесі әкімшілігінің рұқсатымен ерлі-зайыптылар кездесіп, барлық отбасы мүшелері бір-бірін көрді. Отбасы қуаныштан көз жасын жасырмады. Сотталушы өз қолымен жасаған сыйлығын табыс етті.
— Біз сотталғанның әлеуметтік байланысын жоғалтпауы үшін бар күшімізді салуға тырысамыз. Үйде туыстары күтіп отырғандар үшін тезірек босап шығуға, режимді бұзбауға зор ынта бар. Сотталған адам мекеме бастығына отбасымен кездесуге рұқсат беру және жұбайына сыйлық жасау туралы өтінішпен жүгінді. Ол қызын бірінші рет көріп, қатты толқыды. Осы отбасында бәрі жақсы болып, олар енді заң бұзбаса деп тілейміз, — дейді ШҚО бойынша ҚАЖ департаментінің ресми өкілі, әділет майоры Салтанат Ожиканова.
