Бірінші несие бюросының мәліметіне сүйенсек, 25 ақпан мен 4 наурыз аралығында Қазақстанда түйіршіктелген қанттың бағасы1,4 пайызға қымбаттады. Мұндай бір аптадағы өсу қарқыны салыстырмалы түрде сирек кездеседі. Соңғы рет осындай қымбаттау қарқыны 2024 жылдың сәуірінде тіркелген. Оның алдында 2022 жылдың тамызында болған.
Қалалар арасында ең жоғары баға өсімі Өскемен, Павлодар және Петропавлда тіркелген. Нақты айтқанда, қант бір аптада 3,4%-ға қымбаттады.
Қазақстанға қанттың басым бөлігі шетелден, негізінен Ресей Федерациясынан келеді. 2024 жылдың соңына қарай қант тауарындағы қазақстандық өнімнің үлесі 26%-ды құрады.