Шығыс Қазақстан облысы Алтай қаласында орналасқан көпқабатты үйдегі пәтерлердің бірінде өрт шыққан.
— Үйдің төртінші қабатындағы пәтердің ас үй бөлмесінде жиһаз, тұрмыстық техника мен жеке заттар жанып кетті. Сол жерге ТЖД құтқарушылары шұғыл келіп жеткен. Көп ұзамай жалпы ауданы 9 шаршы метр аумақты құраған тілсіз жау ауыздықталды, — деп хабарлады облыстық Төтенше жағдайлар департаментінің баспасөз қызметінен.
Абырой болғанда, ешкім зардап шеккен жоқ. Қауіпсіздік мақсатында подъезден 6 адам, оның ішінде 1 бала эвакуацияланды.
Осы ретте, ТЖД қызметкерлері аймақ жұртшылығына өрт қауіпсіздігі ережелерін қатаң сақтау қажеттігін ескертті.