Өңірде туберкулезге шалдыққандар азайған.
— 2024 жылы облыс бойынша 121 адам туберкулезбен ауырды. Бұл көрсеткіш алдыңғы жылмен салыстырғанда 17,7%-ға аз (147). Оның ішінде 97-і бірінші рет ауырғандар болса, 24-і қайталанған жағдайлар. Ал 2023 жылы туберкулезге алғаш шалдыққандар саны — 107, ал қайталанған жағдайлар саны 40 болған, — дейді ШҚО Санитарлық-эпидемиологиялық бақылау департаменті басшысының орынбасары Сәуле Слямғазина.
Оның айтуынша, туберкулезбен күрестегі негізгі әдістердің бірі — ауруды ерте анықтау. Осы мақсатта былтыр манту сынамасы арқылы туберкулинодиагностика белсенді жүргізілген.
— Барлығы 36 000 бала тексерілді. Бұл 2023 жылмен салыстырғанда 8,5%-ға артық. Тексеру нәтижесінде екі туберкулездің ерте сатыдағы жағдайы және туберкулинге оң нәтиже берген 132 бала анықталды. Бұл балаларға уақытылы ем жасалды, — дейді С. Слямғазина.