Шығыс Қазақстан облысы Полиция департаментінің бастығы, полиция генерал-майоры Ерлан Омарбеков мереке қарсаңында балаларға ерекше тосынсый жасады. Ол Аяз ата бейнесінде қызмет бабында қаза болған және жарақат алған қызметкерлердің балаларын құттықтады.
Ерлан Омарбеков әр балаға жеке барып, жылы лебізімен арнайы сыйлықтарын табыстап, олардың үйлеріне мерекелік көңіл-күй сыйлады. Балалар оны қуанышпен және ерекше ықыласпен қарсы алды.
Әр кездесу жылылық пен шынайы қамқорлыққа толы болды.
Департамент бастығы тәртіп сақшыларының жақындарына қолдау білдіріп, олардың жасаған ерліктері ел жадында мәңгі сақталатынын атап өтті.