Өскемен қаласында полицейлер алимент төлемейтіндерді іздестіру жұмыстары барысында 2011 жылдан бері кәмелетке толмаған баласына алимент төлемеген 40 жастағы ер адамды анықтаған. Қарыз сомасы шамамен 10 миллион теңгені құрады.
— Көші-қон қызметіне хабарласқан жеке сот орындаушысының қаулысымен алимент өндірушіге сот шешімін орындамағаны үшін іздестіру жарияланған. Тәртіп сақшылары борышкердің қайда екенін анықтады. Енді жақын арада сот орындаушылары қарызды өндіріп алумен айналысады, — деп хабарлады ШҚО Полиция департаментінің баспасөз қызметінен.
Осы жылдың басынан бастап Шығыс Қазақстан облысының полицейлері 35 алиментшіні анықтады.
ШҚО ПД Көші-қон қызметі алимент төлеуден жалтару тек қаржылай шығынға ғана емес, қылмыстық қудалауға әкелуі мүмкін екенін ескертеді.
