Мемлекет басшысы Моңғолия Президенті Ухнаагийн Хурэлсухпен және Премьер-министр Лувсаннамсрайн Оюун-Эрдэнэмен келіссөз жүргізеді. Сапар барысында бірқатар маңызды екіжақты құжаттарға қол қою жоспарланып отыр.
Еске салсақ, шілдеде «ШЫҰ плюс» саммитінде Президент Қасым-Жомарт Тоқаев Моңғолия басшысы Ухнаагийн Хурэлсухпен кездескен. Сол кезде Қасым-Жомарт Тоқаев Моңғолия еліміздің Азиядағы маңызды серіктестерінің бірі екенін атап өткен. Мемлекеттерді көп ғасырлық ортақ мәдениет, тарих пен салт-дәстүр байланыстырады.
