Шығыс Қазақстан облысы Тарбағатай ауданы Асусай ауылында жаңа медициналық пункт өз жұмысын бастайды. Заманауи пункт «Ауылда денсаулық сақтауды жаңғырту» мемлекеттік бағдарламасы аясында салынған.
— Бұл Тарбағатай ауданына қарасты елді мекендегі жалғыз медициналық мекеме. Ауыл аудан орталығы Ақжардан 46 шақырым жерде орналасқан. Бұрын пункт 1983 жылы салынған ескі ғимаратта болды. Ауыл халқы жаңа медициналық пункттің ашылуын ұзақ күтті, — деп хабарлады ШҚО Денсаулық сақтау басқармасынан.
Пункттің құрылысы 2024 жылдың мамыр айында басталған. Мердігер — «KAZPROFSTROY HOLDING» ЖШС.
Айта кетейік, Асусай ауылында барлығы 256 адам тұрады.