ШҚО әкімі Үлкен Нарын ауданы тұрғындарымен кездесті

Шығыс Қазақстан облысының әкімі Нұрымбет Сақтағанов Үлкен Нарын ауданы тұрғындарымен кездесу өткізді. Аудан бойынша биыл онкологиялық аурушаңдық 26%-дан астам төмендеп отыр. Дегенмен, сәби өлімі тіркелген. Осыған байланысты облыс әкімі ШҚО денсаулық сақтау басқармасына және аудан әкімдігіне сырқаттанғандар мен өлім-жітім көрсеткіштерін төмендетуге бағытталған нақты шаралар әзірлеуді, медициналық кадрларды тарту жұмысын күшейтуді тапсырды.

Денсаулық сақтау саласын дамыту мақсатында ауданда балаларға арналған оңалту орталығы ашылады. Бұған дейін Үлкен Нарын тұрғындары осындай орталықтың қажеттілігі жөнінде облыс басшылығына өтініш жолдаған болатын. «Қамқорлық» қорының қолдауымен ерекше қажеттіліктері бар балаларға арналған ауданаралық оңалту орталығын іске қосу жоспарланып отыр. Ол Күршім, Алтай және Катонқарағай аудандарының тұрғындарын да қамтитын болады.

Қызметтің ыңғайлы ұйымдастырылуы үшін аудандық аурухананың жалпы аумағы шамамен 1,5 мың шаршы метр болатын екі қабаты орталыққа бейімделіп жатыр. Ғимарат ауданның коммуналдық меншігіне өткеннен кейін жөндеу жұмыстары бюджет есебінен жүргізіледі.

— Аудан дамуындағы оң динамиканы атап өттім. Алайда кей бағыттарда жұмыс қарқынын күшейту қажет. Нақты айтқанда, тартылған инвестиция көлемін көбейтіп, өнеркәсіпті дамытып, медициналық қызмет сапасын жақсарту керек. Кездесу барысында көтерілген барлық мәселелер назарға алынды. Жергілікті тұрғындардың пікірін ескере отырып, оларды кезең-кезеңімен шешетін боламыз, — деді Нұрымбет Сақтағанов.

Новые статьи

В Усть-Каменогорске пройдут Дни культуры Курчумского района

20-21 ноября в Усть-Каменогорске состоятся Дни культуры Курчумского района. В рамках двухдневной программы жителям и гостям города представят историю и культуру района, национальное ремесло,...

Өскеменде Күршім ауданының мәдени күндері өтеді

20-21 қараша күндері Өскемен қаласында Күршім ауданының мәдени күндері ұйымдастырылады. Екі күнге жоспарланған шаралар аясында ауданның тарихы мен мәдениеті, ұлттық қолөнері және жергілікті кәсіпкерлердің...

Шемонаиха ауданыңда учаскелік полиция пункті ашылды

«Заң мен тәртіп» қағидатын іске асыру аясында Разин ауылдық округіне қарасты Красная Шемонаиха ауылында учаскелік полиция пунктінің ашылу салтанаты өтті. Іс-шараға Шығыс Қазақстан облысы Полиция...

В Шемонаихинском районе открыт участковый пункт полиции

В рамках реализации принципа «Закон и порядок» в селе Красная Шемонаиха Разинского сельского округа состоялось открытие участкового пункта полиции. В мероприятии приняли участие заместитель начальника...