Басқарма басшысының міндетін атқарушы болып Нариман Алмасұлы тағайындалды. Бұған дейін басқарманы басқарған Данияр Уахитов қызметінен босатылды.
— Бұл шешім облыс әкімі Нұрымбет Сақтағановтың тапсырмасына сәйкес мемлекеттік қызметшілер арасындағы сыбайлас жемқорлық тәуекелдерін жоюға бағытталған жұмыстар аясында қабылданды. Шнайдер көпіріндегі апаттан кейін аймақ басшысының протоколдық тапсырмасымен құқық қорғау органдарының қатысуымен көлік саласына кешенді тексеріс жүргізілді. Жедел-іздестіру шараларының нәтижесінде Уахитовтың заңға қайшы әрекеттері анықталды, — деп хабарлады ШҚО әкімі баспасөз қызметінен.
Іс бойынша соңғы құқықтық бағаны құзырлы органдар береді.
— Шығыс Қазақстан облысы әкімдігі ашықтықты қамтамасыз ету, тәртіп пен жауапкершілікті арттыру бағытындағы жұмысты жалғастырып жатыр, — делінген хабарламада.