«Қазгидромет» РМК ШҚО филиалының мәліметіне сүйенсек, 13 ақпанда таңертең және күндіз облыстың батысында солтүстігінде, шығысында қалың қар жауып, бұрқасын мен көктайғақ күтіледі.
— Түнде облыстың шығысында тұман түседі. Жел оңтүстік-шығыстан, оңтүстіктен соғады. Өңірдің батысында, солтүстігінде 15-20 м/с, күндізгі екпіні — 23-28 м/с, — делінген ақпаратта.
Өскемен қаласында жел оңтүстік-шығыстан, оңтүстіктен соғады, күндіз екпіні — 15-20 м/с.
Осы ретте, ШҚО ТЖД қолайсыз ауа райы кезінде халықтан елді мекендерден алыс сапарға шығудан бас тарту қажеттігін ескертеді.
