Өскемен гарнизонының 27943 әскери бөлімінде қысқы оқу кезеңі аясында жауынгерлік әзірлікке бағытталған жоспарлы іс-шаралар белсенді түрде өтіп жатыр. Әскери қызметшілер өздерінің кәсіби шеберлігін арттырып, жауынгерлік міндеттерді орындауға қажетті дағдыларды дамытуда.
Жауынгерлдік әзірлікті өткізудегі басты мақсат – жеке құрамның әскери дайындығын жетілдіру және бөлімшенің жауынгерлік қабілетін арттыру. Бұл оқу процесінде әскери қызметшілер жауынгерлік әзірліктің жоғары деңгейіне келтіріліп, белгіленген уақытта әскери бөлімге келіп, жауынгерлік есептоп бойынша орындалатын тапсырмаларын пысықтайды.
Қысқы оқу жылының жауынгерлік әзірлігі — бұл тек қана дайындық кезеңі емес, сондай-ақ әрбір жауынгердің жауынгерлік рухын көтеруге, ұжымдық әрекеттерді үйлестіруге мүмкіндік беретін маңызды кезең. Жауынгерлік дайындық барысында әскери қызметшілер күрделі ауа райы жағдайларында жаттығу өткізіп, қиын тапсырмаларды орындауға бейімделіп жатыр. Қыс мезгіліндегі оқу-жаттығу шаралары әскери қызметшілерге шынайы жағдайда өз міндеттерін орындау үшін қажет тәжірибе береді, – деді бөлім командирінің орынбасары подполковник Құрманғазы Муратбеков.
Дабыл бойынша тексеру кезінде бөлімшелер іс-қимылдарының үйлесімділігіне, әрбір жауынгердің өзінің ұрыстағы іс-әрекетін шебер орындауы және өзара байланыс пен басқару мәселелеріне ерекше назар аударылады.
Жеке құрам жауынгерлік әзірлігін үнемі жоғары деңгейде орындау үшін барлық күш-жігерлерін жұмылдыруда. Бұл шаралар әскери тәртіп пен бірліктің нығаюына ықпал етіп, Қазақстан Республикасы Қарулы Күштерінің беделін арттыруға өз үлесін қосары сөзсіз.