ШҚО Полиция департаменті экстремизмге қарсы іс-қимыл басқармасының қызметкерлері жүргізген жедел іздестіру іс-шараларының нәтижесінде Өскемен қаласындағы қонақ үйлердің бірінде шетел азаматы ұсталды.
— Белгілі болғандай, 2025 жылдың 1 ақпанынан бастап аталған азамат аса ірі мөлшерде алаяқтық жасады деген күдікпен мемлекетаралық іздеуде жүрген, — делінген тәртіп сақшылары таратқан ақпаратта.
Қазіргі уақытта ұсталған адам уақытша ұстау изоляторына қамауға алынды. Сонымен қатар оны іздестіруді бастаған елге экстрадициялауды ұйымдастыру жұмыстары жүргізілуде.