Жаңа туған нәрестені құтқару үшін Төтенше жағдайлар министрлігінің тікұшағы тартылды. Бұл туралы ШҚО ТЖД баспасөз қызметі хабарлап отыр.
— Төтенше жағдайлар министрлігінің ұшқыштары Руслан Ағламбеков пен Олег Алфеев МИ-8 тікұшағында санитарлық авиация дәрігерлері Асхат Қуанышбаев пен Лариса Величкомен бірге жаңа туған нәрестені Шемонаиха қаласынан Өскеменге жеткізу үшін шұғыл рейс жасады, — делінген ақпаратта.
Ұшқыштар мен дәрігерлердің кәсіби шеберлігінің арқасында рейс қиындықсыз өтіп, кішкентай науқас облыс орталығындағы медициналық мекемеге жеткізілді. Қазір нәресте дәрігерлердің бақылауында.
