Полиция қызметкерлері өңір ауылдарының біріндегі үйден ірі көлемде есірткі тапты.
— Жедел тінту барысында үй мен шаруашылық қора-жайдан психотроптық заттарды өңдеуге пайдаланылған құралдар, өткір иісі бар өсімдік тектес зат салынған жеті қаптама табылды. Бұдан бөлек, ұқсас затсалынған көк түсті полимерлі қойма ыдысы анықталды, — деп хабарлады ШҚО Полиция департаментінен.
Сараптама қорытындысына сәйкес, тәркіленген зат жалпы салмағы 4846,71 грамм кептірілген марихуана болып шықты. Бұл мөлшер заң бойынша аса ірі көлемге жатады.
Аталған факті бойынша сотқа дейінгі тергеу жүргізіліп жатыр. Соның нәтижелері бойынша процессуалдық шешім қабылданады.
