Қазақстанда соңғы жылдары ет пен ет өнімдерін тұтыну бағасының индекстері өсті. Бірақ әлемдегідей күрт қымбаттаған жоқ. Статистика мамандары бағаның маусымдық құбылуын тіркеді.
Бағаның өсу қарқыны қыста және көктемнің бірінші жартысында жоғары (6%-ға дейін), жазда төмен (3,5%-4% шегінде) болды. 2025 жылдың ақпан айында ет өткен жылмен салыстырғанда 6,2%-ға қымбаттады.
Бірақ басқа төрт түліктің етіне қарағанда сиыр еті ерекше қымбаттаған. Қазақстанда соңғы бір жылда сиыр етінің құны 7,9%-ға, құс еті 6,2%-ға өскен. Басқа малдың еті соншалықты қымбаттаған жоқ – 4%-ға дейін.
Осы жылдың наурыз айындағы жағдай бойынша бір келі сиыр еті Ақтау мен Жезқазғанда ең қымбат (3,1 мың теңге). Одан кейін Астана, Көкшетау және Өскемен қалалары (әрқайсысы 3 мың теңгеден) тұр. Ал ең арзан сиыр еті Түркістан мен Ақтөбеде (2,5 мың теңге) болды.
