2025 жылдың ақпан айының қорытындысы бойынша медициналық қызметтер бағасы өткен жылдың сәйкес айымен салыстырғанда 11,4%-ға өсті. Дәрілік заттардың, медициналық жабдықтар мен аппараттардың бағасы 10,6%-ға, оның ішінде аппараттар мен жабдықтарға 22,9%-ға, фармацевтикалық өнімдерге 7,9%-ға қымбаттады.
Амбулаториялық-емханалық қызмет 11,8%-ға, оның ішінде орта медициналық қызмет 15,2%-ға, медициналық қызмет 11,9%-ға, стоматологиялық қызмет 11,7%-ға қымбаттаса, аурухана қызметтері үшін төлейтін ақша 11,2%-ға өскен.
Баға өсімін облыстардың ішінде Атырау халқы ең көп сезді. Ондағы баға 19%-ға қымбаттаған. Одан кейін Батыс Қазақстан (17%) және Қарағанды (16,3%) облыстары тұр. Ал бағаның ең аз өсімі Маңғыстау (2,9%-ға), Жетісу (4,8%-ға) және Түркістан (6,1%-ға) облыстарында тіркелді. Шығыс Қазақстан облысында бұл көрсеткіш 9,8 пайызды құрады.
