ШҚО Полиция департаменті баспасөз қызметінің мәліметіне сүйенсек, тәртіп сақшылары көрші облыстан келіп, есірткі таратумен айналысқан 27 жастағы ер адамды ұстады.
— Тінту кезінде одан 30 граммнан асатын синтетикалық есірткі заттары — «мефедрон» және «a-PVP» тәркіленді. Күдіктінің айтуынша, ол Өскемен қаласына жақында келген. Қазіргі уақытта ер адамға қатысты қылмыстық іс қозғалды, — делінген ақпаратта.
Полиция қызметкерлері есірткі бизнесіне қандай да бір қатысы барлардың тікелей қылмыстық жауапкершілікке тартылатынын ескертеді.
