Облыс орталығында мектепке дейінгі білім беру жүйесіне ваучерлік қаржыландыруды енгізу бойынша пилоттық жоба іске қосылмақ. Бұл өзгеріс 83 балабақшаға енгізіледі.
Пилоттық жобаның мақсаты — балаларды кезекке қою, мемлекеттік тапсырысты қабылдау мен орналастыру процесстерін автоматтандыру. Бұл ата-аналар үшін жүйені түсінікті әрі қолжетімді етіп, мектепке дейінгі ұйымдар арасындағы бәсекелестікті арттырады.
— Ваучерлік қаржыландыруды енгізу қаладағы мектепке дейінгі білім беру жүйесін жақсартуға бағытталған маңызды қадам болмақ. Жаңа модельдің арқасында жүзеге асырылатын процесстер барлық қатысушылар үшін түсінікті және қолжетімді болады, — деді ШҚО Білім басқармасы басшысының орынбасары Жанғазы Әліпбаев.
Бұл жоба жеке балабақшалар үшін жаңа мүмкіндіктер ашады. Олар қажетті құжаттарды тапсырған соң жобаға қосылады алады. Оператор ретінде «Қаржы орталығы» АҚ белгіленді.
