Шығыс Қазақстан облысы Глубокое ауданындағы Глубочанка өзенінде мұзды ұсату жұмыстары жүргізілді.
ШҚО Төтенше жағдайлар департаменті баспасөз қызметінің мәліметіне сүйенсек, Глубочанка өзені сағасындағы судың жерге жайылуына жол бермеу үшін жергілікті атқарушы органдар мен мамандандырылған ұйым жарылыс жұмыстарын жүргізді. Оның жалпы аумағы — 3232 шаршы метрді құраған.
— Осы жұмыстардың қауіпсіздігін ТЖД қызметкерлері қамтамасыз етті. Мұзды ұсату мұз алқабын едәуір әлсіретуге және тасқын суларды өткізу кезеңінде өзендердегі мұз кептелісін азайтуға мүмкіндік береді, — делінген ақпаратта.
.