Өскемен қаласында полицейлер суицид жасамақ болған ер адамды тоқтатты.
— Түнде полицияға әйел адам хабарласып, пәтерде іштен құлыптанып алған күйеуінің өзіне зиян келтіруі мүмкін екенін айтқан. Полиция қызметкерлері шұғыл түрде шақырту орнына бірнеше минут ішінде жетіп, жедел әрекет етіп, пәтер есігін ашқан. Осылайша қайғылы жағдайдың алдын алды. Ер адамға қажетті медициналық көмек көрсетілді, — деп хабарлады ШҚО Полиция департаментінен.
Анықталғандай, азамат отбасындағы жанжалдан кейін осындай әрекетке баруға бел буған.