Облыстық Төтенше жағдайлар департаменті баспасөз қызметінің мәліметіне сүйенсек, Риддер қаласындағы Абай көшесінде өрт шыққан.
Бесінші қабатта орналасқан пәтерде жиһаз бен жеке заттар отқа оранды. Сол жерге өрт сөндіру бөлімшесінің қызметкерлері келіп жеткенге дейін көршілері 49 жастағы ер адамды құтқарып қалған.
— Өрт сөндірушілер оны түтін тұмшалаған жоғарғы қабаттан эвакуациялап, жедел жәрдем қызметкерлеріне табыстады. Абырой болғанда, оның денсаулығына ешқандай зиян келмеді. Көп ұзамай жалпы ауданы 10 шаршы метрді құраған тілсіз жау толықтай сөндірілді, — деп хабарлады ведомство өкілдері.
Айта кетейік, алдын ала дерек бойынша жалынның шығу себебі – пәтер ішінде мас күйде темекі шегуден.