Өскемен қаласында Халыққа қызмет көрсету орталықтары Тәуелсіздік күні мерекесіне орай 16 желтоқсанда жұмыс істемейді. Ал 14 желтоқсан кезекші орталықтар үшін жұмыс күні болып саналады.
Қызметтерді 9.00-ден 13.00-ге дейінгі аралықта алуға болады. 17 желтоқсан, яғни сейсенбі ХҚКО-лар азаматтарды әдеттегі жұмыс кестесі бойынша қабылдайды.
Айта кетейік, орталықтар жұмыс күндері сағат 9.00-ден 18.00-ге дейін жұмыс істейді. Кезекші ХҚКО жұмыс күндері 20.00-ге дейін, сенбі күндері 13.00-ге дейін ашық болады.
Кезекші мамандандырылған ХҚКО дүйсенбі мен жұма аралығында 18.00-ге дейін азаматтарды қабылдайды, ал дайын құжаттарды 20.00-ге дейін алуға болады. Сенбі күні мамандандырылған ХҚКО 13.00-ге дейін жұмыс істейді.