Өскемен қаласындағы аурухананың травматология бөліміне бір күнде 87 адам жүгінген. Оның ішінде 38-і көктайғақта құлап, жарақат алған.
Қала тұрғындары тайғақ көшелерде құлап, қол-аяғы көгеріп немесе сынып дәрігерлерге қаралған. Бұған бір күн бұрын қар еріп, күн суытқандықтан жердің көктайғақ болуы себеп болып отыр.
— Халықты осындай кездерде мейлінше сақ болуға шақырамыз. Табаны бұдыр аяқ-киім киіп жүріңіздер. Өкшесі бар аяқ киімнен бас тартыңыздар. Бұл жарақат алудың алдын алады. Апталап ауруханада жатқаннан гөрі сақтық шараларын сақтап жүрген дұрыс, — дейді Өскемен қалалық №4 аурухананың бас дәрігері Сергей Попов.
Қазір облыста ауа райы құбылмалы болып тұр. Сондықтан дәрігерлер көшеде жүгіріп жүрмеуге, барынша абай болуға шақырды.
