«Қазгидромет» РМК 30 қараша мен 1 желтоқсанға арналған ауа райы болжамын жария етті. Соған сенсек, қыс мезгілі қар аралар жаңбырмен басталмақ.
30 қарашада сынап бағанасы күндіз 2-4°С нөлден төмен болып, көшпелі бұлт пен ашық күн райы күтіледі. Ал түнде -7-9 °C градусқа дейін төмендеп, қар жауады.
1 желтоқсанда күндіз 0+2 °C болып, көшпелі бұлт, әрі қар аралас жаңбыр жауады деп болжанып отыр. Көптен күткен жел де осы күні соғады.
Өкінішке қарай, ертең әлі де қолайсыз метеорологиялық жағдай қалыптасқан. Сондықтан халыққа үйден көп шықпай, терезелерді қымтап отыруға кеңес берілді.