«Серпін» бағдарламасы аясында жұмыс күші артық оңтүстік өңірлерден Шығыс Қазақстанға студенттер келуде. С.Аманжолов атындағы ШҚУ-да осындай 444 адам білім алып жатыр. Негізгі оқу бағыттары – педагогика, технология және тамақ өңдеу, ядролық физика.
ҚР Премьер-министрінің орынбасары Тамара Дүйсенова бағдарламаның өңірдегі жобалық кеңсесінде болып, студенттермен әңгімелесті. Оның айтуынша, «Серпін» сұранысқа ие мамандықтар бойынша жоғары білім алуға тамаша мүмкіндік. Сонымен қатар жоғары оқу орны кадр тапшылығы сезілетін салаларға мамандарды оқытып, жұмысқа орналастыруды да жоспарлап отыр.
Жобаны жүзеге асырудың 10 жылында 1122 студент диплом алды. Олардың жұмысқа орналасу көрсеткіші 97% құрайды.
Түлектердің көбі университетті бітіргеннен кейін Шығыс Қазақстанда қалып, облыстың әртүрлі ұйымдарына жұмысқа орналасты. Жалпы өңірдегі жоғары оқу орындарында «Серпін» бағдарламасы бойынша 1500 мыңнан астам студент білім алған.