Облыс бойынша биыл 322 бала шала туған. Шақалақтардың 65 пайызы аман қалды. Бұл оң көрсеткіш саналады.
Сондай-ақ жаңа туған 27 нәрестенің салмағы өте төмен болды. Нақты айтқанда, 500-ден 999 грамға дейін.
— Облыстық ана мен бала орталығы жансақтау бөлімімен, өкпені жасанды желдету аппараттарымен, жылытылатын үстелдермен және шала туған нәрестелерді күтуге қажетті барлық құрал-жабдықпен жабдықталған. Жүктіліктің 22 аптасында және одан кейін туған немесе салмағы 500 грамм және одан жоғары шақалақтар өмір сүріп кете алады. Алайда бұл дәрігерлердің білімін, медбикелердің біліктілігін қажет ететін ауыр және қажырлы жұмыс, — дейді ШҚО Денсаулық сақтау басқармасы басшысының орынбасары Мадина Мырзабекова.