«Қазгидромет» РМК ШҚ филиалының ақпараты бойынша 15 қарашада облыстың батысында, солтүстігінде, шығысында жаяу бұрқасын күтіледі.
Жел оңтүстіктен, оңтүстік-батыстан соғады. Облыстың батысында солтүстігінде, шығысында жел жылдамдығы секндына 15-20 метр.
— Өскемен қаласында 15 қарашада жаяу бұрқасын күтіледі. Егер сіздің көлігіңіз қыс мезгілінде жүру үшін жабдықталмаған болса, елді мекендерден тыс сапарға шықпағаныңыз жөн, — делінген ақпаратта.
Жолға шығар алдында құтқарушылар жүргізушілерге мына заттарды жолға алуды ұсынады: арқан, артық жанармай, күрек, қолшам, алғашқы медициналық көмек көрсету қобдишасы, жылы киім және азық-түлік.
