Риддер қалалық әкімшілік құқық бұзушылық істері жөніндегі мамандандырылған соты баспасөз қызметінің мәліметіне сүйенсек, тәртіп сақшылары шаһар көшелерінің бірінде келе жатқан көлікті тоқтатқан. Тексеру кезінде көліктің мемлекеттік нөмірінің жалған екендігі анықталды.
— Сот барысында ер адам кінәсін мойындап, мемлекеттік нөмірді уәкілетті органда тіркемей, көлігіне өзі орната салғанын жеткізді. Ол көлікті Грузиядан әкелген, — делінген ақпаратта.
Құқық бұзушы бес тәулікке қамауға алынып, бір жылға көлік жүргізу құқығынан айырылды.
