Жыл сайын халық жаз бойы көмір алмай, тек қазан-қараша айларында сатып ала бастайды. Соның салдарынан көмір сататын тұйықтарда ұзын-сонар кезек қалыптасып, түрлі дау-жанжалдар шығады.
Осыны болдырмас үшін жұртшылыққа көмірді ертерек алу қажеттігі жайлы түсіндіру жұмыстары жүргізілген. Алайда соған қарамастан биыл да тұрғындардың көпшілігі күн суыта бастағанда ғана көмір алуға көшті.
«Шілде, тамыз айларында тұрғындар көмір алмады. Тек қыркүйек айында сатып ала бастады. «Қаражыра» АҚ тарапынан да көмір жеткізуге қатысты аздаған мәселелер болды. Осылайша, қазан мен қарашада көмір алуға деген сұраныс артып, ұзын-сонар кезек қалыптасу қаупі туындап отыр», — дейді облыстық Энергетика және тұрғын үй-коммуналдық шаруашылық басқармасының басшысы Нұрлан Рамазанов.