Облыс орталығындағы Есенберлин даңғылындағы көлік қозғалысы уақытша шектеледі. Бұл жаяу жүргіншілерге арналған жерүсті өткелін салу жұмыстарының жүргізілуіне байланысты болып отыр.
Шектеулер 11 қаңтар күні сағат 8:00-ден 17:00-ге дейін Есенберлин даңғылының Өтепов көшесінен Меновное ауылына қарай бағыттағы айналма жолға дейінгі бөлігінде қолданылады.
Көлік қозғалысы қосалқы жолдар арқылы ұйымдастырылады. Аталған аумақта уақытша жол белгілері орнатылып, қозғалыс қамтамасыз етіледі.
Осы ретте жүргізушілерге маршрутты алдын ала жоспарлап, балама жолдарды таңдауға кеңес беріледі.