Өскемен қалалық Полиция басқармасы көші-қон қызметінің мамандары қарызын төлемей жүрген 55 жастағы тұрғынды анықтады.
— Ер адам 2025 жылдың маусым айынан бері Өскеменнің басқа бір тұрғынына қарызын төлеуден жалтарып келген. Шағым сомасы қомақты — 2,5 миллион теңге. Жедел іс-шаралар барысында борышкердің нақты жүрген жері анықталды. Енді барлық соманы мәжбүрлі түрде өндіріп алу үшін іске сот орындаушылары кіріседі, — деп хабарлады ШҚО Полиция департаментінен.
Айта кетейік, жыл басынан бері полицейлер қарызын қайтармай жүрген осындай 50-ден астам адамды іздеп тапты.