Ауа райының қолайсыздығына, нақты айтқанда бұрқасын мен жолдың дұрыс көрінбеуіне байланысты республикалық маңызы бар автокөлік жолында кейбір көлік түрлерінің қозғалысына тыйым салынды.
— 6 қаңтар сағат 17.30-дан бастап Алматы-Талдықорған-Өскемен-Шемонаиха-Ресей Федерациясының шекарасы тасжолының 1194-1212 шақырымында (Шемонаиха қаласы мен Ресей Федерациясының шекарасы арасындағы жол) автобустарға, тіркемесі бар және жартылай тіркемелі жүк көліктерінің қозғалысына уақытша тыйым салынды. Сондықтан жүргізушілерді өз бағыттарын алдын ала жоспарлап алуды сұраймыз, — деп хабарлады ШҚО төтенше жағдайлар департаментінің баспасөз қызметінен.
Осы ретте, құтқарушылар өңір жұртшылығына жолдардың жай-күйін «Дәрмен» мобильді қосымшасы арқылы біліп отыруға кеңес берді.