Бүгін Үкімет отырысында өңдеу өнеркәсібін цифрландыру тақырыбы сөз етілді. Шығыс Қазақстанда бұл саладағы цифрландыру жұмыстары жыл сайын қарқын алып келеді.
Соңғы бес жылда цифрлық технологияларды пайдаланып отырған ірі және орта кәсіпорындардың үлесі 6,7%-дан 13,7%-ға дейін өсіп отыр.
Саладағы ақпараттық-коммуникациялық технологияларға жұмсалған қаражат мөлшері де ұлғайды. Нақты айтқанда, 2020 жылғыдан 2,2 есеге артып, 5,9 трлн теңгені құрады.
Өңірдегі тау-кен металлургия кешеніндегі ірі кәсіпорындар цифрлық трансформацияның алдыңғы легінде тұр. Мұнда ескірген жабдықтар кезең-кезеңімен жаңартылып, сандық бағдарламамен басқарылатын станоктар, роботтандырылған кешендер мен сапаны бақылаудың автоматтандырылған жүйелері енгізіліп жатыр. Бұл өз кезегінде еңбек өнімділігін арттырып, өндіріс шығындарын азайтуға мүмкіндік береді.